Aska特別到金鐘站內跟自己的廣告應援拍照留念。
張馳豪(Aska)剛推出了全新單曲《宇宙逃生口》，獲得媒體一致推薦，不單止打進了各大排行榜，包括商台叱咤榜，香港電台中文歌曲龍虎榜，於今個星期更成為了新城電台勁爆本地榜冠軍。
當 Aska 知道《宇宙逃生口》有此佳績時表示非常感謝大家的支持，他同時表示：「今次《宇宙逃生口》可以攞到好成績我係十分之開心，呢一首歌又係玩咗一啲平時廣東歌好少聽到嘅曲風，可以將我平時聽開嘅音樂類型變成自己嘅創作，再分享俾我嘅樂迷係我作為一個唱作人好享受嘅事。」
Aska 知道《宇宙逃生口》有此佳績時表示非常感謝大家的支持。
除媒體推薦外，Aska 同時也得到粉絲們的應援支持，之前他們便曾在旺角的大型 billboard 、巴士站燈箱和巴士車身賣廣告外，他們近期更租用了金鐘地鐵站內靠近前往南港島線，左右兩傍的連續多塊廣告牌為 Aska 助威。
Aska 說：「每次見到粉絲對我的支持真的既開心又感動，所以昨天我特別嚟到金鐘站呢度打卡，其實我係有啲感觸嘅，因為我嘅粉絲真係對我好好。諗返起三年前係皇室堡仲係懵懵懂懂嘅我都有粉絲嚟支持，係好意想不到嘅事。呢班 fans 有好多都好似我嘅屋企人咁，不離不棄，見證住我一步一步嘅成長。好多謝佢哋冇放棄過我，同埋喺我最低落嘅時候俾咗力量我。我希望係嚟緊 2025年可以繼續突破我嘅框框，帶嚟更加多有突破性嘅作品比大家聽到。同時應該都有機會拍劇。大家可以期待一下。」
amJetso 送BIODERMA救星小紅瓶🩷護膚恩物 立即按此參加👇
