戲中阿正扮演演獸醫診所護士。
黃正宜(阿正)在電影《得寵先生》中，飾演女主角盧慧敏(Amy)的閨密，兼動獸醫診所護士，阿正為演好角色，專程跟獸醫上堂，學習做手術和急救的知識、動作和專業用語，她說：「我飾演獸醫診所護士，團隊做咗好多資料搜集，仲安排我去見真正獸醫，去學習，好欣賞佢哋做呢啲前期準備。原來佢哋喺六、七年前已經有呢個諗法，佢哋嘅堅毅和有心嘅程度，我真心好欣賞，因為拍動物嘅戲實在太難！」
戲中一幕最令阿正印象深刻，是她與Amy上山餵流浪狗，她說：「嗰場戲好壯觀，Amy行落山，然後有十幾隻狗跟住佢。」Amy憶述這場戲亦好興奮，她說：「首先工作人員移師所有狗上山頂，導演嗌action就全部衝落山。」阿正爆料：「其中有一隻狗狗好有性格，個個跑晒上山，佢就係唔肯跑，堅持留喺涼亭。同狗仔拍戲有一種不穩定性，佢哋唔會識『連戲』，每一take都要自己執生，諗辦法氹佢哋。如果可以透過呢部電影，令更多人認知流浪狗面對嘅問題，我覺得係一個好有意義嘅參與。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
