JW唱的《愛心灌溉》陪伴觀眾3年，不少小朋友都跟住跳、跟住唱。
《愛．回家之開心速遞》昨日(8日)換上全新片頭及全新主題曲，由姚焯菲(Chantel)演唱，新片頭依舊色彩繽紛，同時加入不少新角色，古佩玲更企正C位。過去三年由JW王灝兒主唱的《愛心灌溉》太過入屋，令不少網民直言聽不慣Chantel的版本，並認為Chantel的主題曲有點像兒歌。
JW︰功成身退啦
JW今日上載多條小朋友聽住《愛心灌溉》跳舞的影片，她留言道︰「過去呢三年，有好多人send咗自己BB聽住《愛心灌溉》好開心跳舞嘅片俾我，其實真係好感動，一首歌可以代表住一個time period……而我好開心呢首歌可以陪住你地望住BB成長，一齊食飯，一齊睇電視 ，就好似我以前細個咁 ，一首歌可以在大氣電波準時每天播了1000天，係我嘅榮幸。」她多謝作曲兼監製的韋景雲、填詞的楊熙，並謂「多謝珍姐俾呢個機會我，而家可以功成身退啦！」
amJetso 送BIODERMA救星小紅瓶🩷護膚恩物 立即按此參加👇
