C AllStar和 Joyce不排除再以「CAll Joyce」形式合作。
一連兩晚的《我是現場》第四擊「鄭欣宜 x C AllStar」昨晚於九展圓滿結束，C AllStar四子和Joyce大玩crossover之餘，當然亦有唱各自感動樂迷的作品，當梁釗峰唱新歌《共同望銀河那時》時拿起手機自拍，並紀錄台下觀眾亮著的手機燈海，一度感觸落淚。Jase(何建曦)則主動談及《留下來的人》未能打入叱咤「我最喜愛的歌曲」五強，「「我哋成日都將一啲唔同嘅心聲、睇法、藝術元素擺入唔同歌曲，姑勿論呢啲歌曲有冇得到大眾嘅喜愛……講白啲，或者係獎項嘅認同啦，相信呢啲歌曲都收喺你哋嘅心底入面，而你哋都話咗畀我知，你哋係好鍾意嘅。好想講一句，因為唔知有冇機會喺頒獎台度講，其實我好proud of自己係C AllStar其中一員。」釗峰則再說白一點：「多謝大家投嘅每一票，支持《留下來的人》，因為留低嘅同離開嘅都係咁重要。」他續說工作團隊即將有人移民，「今晚係佢最後一次睇我哋live嘅演出，希望大家珍惜，冇嘢係必然，同時間亦希望透過歌曲拉近大家，我哋嘅靈魂係扣緊住，我哋嘅信念係扣緊住。」
On仔Joyce齊齊被鞭打屁股
Joyce與C AllStar以「C AllJoyce」之名，合唱《傾城》、《先哭為敬》、《少數》、《黑彩虹》、《愛的教育》等多首由黃偉文(Wyman)填詞的作品，Joyce自言經常詞窮，特別感謝Wyman，「我唔擅於表達自己。好彩畀我遇到一個人，好似係我肚裏面條蟲，唔知點解寫畀我嘅每首歌，都講中晒我想講嘅嘢。」在音樂會尾聲，他們合唱多首與聖誕有關的歌曲，包括《White Christmas》、《白色信件》等，並繼續挑戰難度合唱《12 Day of Christmas》，在頭場演出時因失誤被On仔(陳健安)鞭打屁股的Joyce，昨晚再度因唱甩嘴接受大懲罰，不過這次有On仔自首，令Joyce可親自鞭打On仔報仇，最後他們以一曲《SuperXmaStar》為音樂會畫上句號。
釗峰想起團隊的多年戰友移民在台上落淚。
釗峰澄清非因失落「我最喜愛歌曲」而感觸。
釗峰因戰友移民落淚
C AllStar四子和Joyce在完騷後受訪，釗峰解釋在台上灑淚，是因為想起一位戰友即將移民，昨晚可能是對方最後一次觀常他們的演出，「想起歌曲內容，很多畫面，就忍不住落淚，希望珍惜仍能同的時間，展望將來重遇。」他澄清與《留下來的人》失落「我最喜愛歌曲」無關。King(吳崇銘)補充說，「唔會喺個台度唱唱吓，突然間會諗住叱咤個獎嘅。」釗鋒續說，「特別想多謝C AllFans嘅應援，令我哋好驕傲，還有行內朋友都有支持我哋。的確係有盼望想入五強，想報答佢哋嘅支持，不過唔緊要，每一票都投咗入我哋心裏面。（感到失望？）難免會，可能因為有期待，所以有落差，但唔緊要，得到共鳴、讚賞，先係做歌嘅本質。」On仔認為獎項是bonus，「 歌曲能讓聽眾找到情緒出口，已經係功德圓滿。」
在頭場被On仔「鞭打」的Joyce，昨晚總算復仇。
Joyce因唱甩嘴而再次受「鞭打」
互笠高帽
至於連續兩晚因唱甩嘴被鞭打屁股的Joyce大嘆，「唱聖誕歌無啦啦加咗個用皮鞭打我pat pat嘅懲罰，我以為淨係得噚日會咁，點知今日繼續。」不過，昨晚她也算成功復仇，Jase笑言，「我哋派代表出嚟，On仔已經幫我哋頂咗。」台上互鞭，台下則互笠高帽，被鞭的On仔大讚Joyce打得溫柔，並讚她開show準備十足，「今次有好多歌都佢重新練，有啲甚至第一次聽，但綵排時已準備得好充足，消化埋歌詞內容。」Joyce則認為是開演唱會必先要做好的事，「今次我冇搞rundown，由佢哋4位加埋導演、監製安排，我覺得非常有心機，個順序好舒服，好有意思，所以我好想尊重呢個rundown。」他們齊聲表示已建立默契，不排繼續以「C All Joyce」之名合作。
C AllStar和Joyce完騷後受訪，表現興奮。
amJetso 送BIODERMA救星小紅瓶🩷護膚恩物 立即按此參加👇
