由陳柏宇(Jason)與王嘉儀(Sophy)昨晚(27日)於九展Star Hall舉行「《我是現場》音樂會005」， 兩人首度合作挑戰難度，大唱別人的歌，擦出意想不到的音樂火花，為樂迷帶來驚喜。兩人亦師亦友，互笠高帽。
大膽賞試 音樂主導
今次Jason與Sophy雖有獻唱新歌如《命盡頭》、《自然變態》等自家作品，但用上過一半時間演唱別人的歌，包括柳應廷的《人類群星閃耀時》、馮允謙的《思念即地獄》、鄭欣宜的《先哭為敬》、Serrini的《Let Us Go Then You And I》，8月中才定的歌單，大部分都重新編曲，籌備過程極短， Jason卻十分享受，「我唱到《人類群星閃耀時》先開始入局冇咁緊張，今次個Show以音樂作主導，呢件事係非常大膽，因為唔係以娛樂出發，我非常支持。」Sophy直言跟Jason合作，令歌曲升華，說：「我自彈自唱自己的作品《深淵》，後段有Jason提升咗成件事，令首歌愈嚟愈澎湃，好正！係Live先可以感受到。」
誤將「吉田」當「側田」
經過今次合作，Sophy感受到Jason唱歌的功力深厚，當知道對方原來有學唱歌後，更想跟對方的歌唱老師拜師學藝，她在台上自爆烏龍事：「我問Jason跟邊個學唱歌，佢話係側田，我聽到未覺異樣，同Jason講我都想跟側田學唱歌，點知原來佢係話吉田！」引來全場爆笑。Jason認真表示，雖然Sophy的歌不太主流，但歌聲很有特色，「除咗好薄嘅頭聲之外，亦有一啲真音喺度，再做多啲Training，會可以再有唔同嘅Vocal。」希望觀眾多認識她和她的音樂。Sophy則指Jason在各方面都是大佬，非常照顧後輩，既會指教用聲問題，綵排時亦爽快教路，最難得是以朋友方式分享
amJetso 送BIODERMA救星小紅瓶🩷護膚恩物 立即按此參加👇
