吳業坤、方皓文、商台DJ急急子及鍾雪，早前以「饑饉大使」身份到敘利亞五天參加「饑饉約旦之旅」，探訪難民，期間去了難民營及難民社區。問到方皓文首次跟囝囝分離數日可有不捨？她笑說：「老公拍片畀我睇，見到佢玩得非常高興，我返到嚟佢呆咗咁望住我，好似問緊我做咩返嚟。」
坤哥跟方皓文表示約旦之旅確實獲益良多，方皓文說：「我哋幫手整啲健康餐包膳食畀小朋友做lunch，有青瓜同芝士批同香蕉，嗰度衞生好好，我哋戴晒做手術嗰啲浴帽同手套，同埋都有參觀嗰邊啲設施。」坤哥說：「平時我講嘢無嚟正經，今次要認真講。原來快樂可以好簡單，從佢哋嘅眼神好感受到並唔係要啲咩嘢，佢吔最想嘅係返屋企。」
坤哥大爆方皓文非常受當地小朋友歡迎，自言好像被孤立：「大家都聞到佢嗰陣母愛，小朋友全部衝晒去佢度攬住佢，得一個流緊鼻涕嘅小朋友理我。」他們亦有以歌曲《Baby Shark》跟小朋友交流。
入App免費換走健康產品
