施姐邀請汪明荃演佘太君、美英姐任藝術總監，戲迷期待睇好戲。
資深傳媒人暨粵劇出品人彭美施(施姐)，第八齣力作《忠烈楊門》找來汪明荃飾演佘太君，率領粵劇界超過十多位出色文武生及花旦演出。今日此劇於銅鑼灣西苑酒家舉行發布會，施姐誓言打造不一樣的汪阿姐。
施姐表示，《忠烈楊門》角色眾多，有不少群戲，最初亦有點擔心，因為在編排演出方面有一定難度，亦有多場武打戲，她大讚武術總監韓燕明師傅好厲害，排得很有節奏感亦很精彩。擔任藝術總監的吳美英表示：「演員眾多，都是靚仔靚女，加上阿姐簡直就是眼花撩亂，而施姐每次製作都會好多新意，令人期待。」
(左起)李秋元、林穎施、廖國森、阿姐、梁兆明、梁燕飛、梁非同、宋洪波等，合力演出一場好戲。
阿姐破天荒飾演佘太君，她在發佈會上表示好期待，「我都唔知點解會接這個戲，其實我現在愈來愈害怕，因為我未試過做老角，同埋要唱「平喉」 ，家英哥和我都很擔心，我叫家英哥教下我，佢話唔得，話我有藝術總監美英姐，亦有師傅在劇團，佢唔肯教我，所以我而家仲驚！」阿姐望住台下的廖國森，好認真話： 「森哥你到時要幫手教我，我真係唔知點樣去演 ，仲有田哥(新劍郎)，叔父都有份演，我好驚。」
阿姐指，她今次接《忠烈楊門》，最主要是想跟粵劇新人合作，過去經常有睇新一輩演出，但好少機會跟新一輩合作，她讚今次每位新文武生與花旦，都已獨當一面，今次拍檔演《忠烈楊門》這劇見更是難得，「以前我喺電視劇做過穆桂英，今次升呢做佘太君，希望一切順利，我唔敢話會做得好，真係驚，希望唔好衰啦! 」
阿姐首次演老角，自言心情有些緊張和擔心。
新劍郎贈言施姐作品 效果一定好
廖國森聽完阿姐的話今次演出有些驚，他笑言自己都有擔心，因為他從未演過楊令公，但心情好興奮，森哥搞笑說：「今次是跟阿姐演兩夫妻，希望家英哥唔會嬲我噃 ! 」新劍郎演四賢王角色， 他上台時就送施姐兩句說話 :「作品出自彭美施效果一定會好啲！」
新編粵劇《忠烈楊門》詳情：
演出：8月8至11日(晚上7時30分)
地點：西九文化區戲曲中心大劇院
票價：$880(VIP)、$680、$480、$280、$180(全部門票不設半價優惠)
門票發售：7月3日(星期三)起於戲曲中心票務處公開發售
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
