吳婉芳次仔胡智同靚仔又有才華，絕對是城中筍盤。
息影女星吳婉芳的細仔胡智同（Lynus），靚仔又有才華，加上練得一身結實肌肉，整個package令他被視為城中筍盤，可惜Lynus早已名草有主。Lynus早前開完畫展後，將位於中環的舖面變身成星級健身室「REP.」，他更充當生招牌，獲不少紅星及名人捧場，Lynus自幼已結識不少星二代，跟上山詩鈉女兒Hilary、湯鎮業孖仔湯君慈與湯君耀可謂由細玩到大，今次做老闆自然獲一班朋友仔支持。昨日，王敏德與馬詩慧的二女王麗嘉（Irisa），就分享影片，見她獲Lynus教做健身器械，穿上黑色運動bra top，以行動力撐Lynus。
Lynus今次注資7位數字打造出自己的理想健身運動空間，近期落力造勢，更不時在社交平台大晒爆肌身形，刺激其IG帳戶也衝破10萬大關。
Lynus為自己的星級健身室「REP.」擔任生招牌。
amJetso 送BIODERMA救星小紅瓶🩷護膚恩物 立即按此參加👇
