193主持《晚吹 - 戀講嘢》，為女嘉賓拆解愛情疑難。
由ERROR成員193(郭嘉駿)夥拍鄭伊琪(浩南)、譚凱倫(Helen)和郭奕芯(Ashina)主持的ViuTV節目《晚吹 - 戀講嘢》，以一男三女形式為現場嘉賓拆解愛情疑難。節目今晚將播出第二集，其中一位嘉賓Erica是西裝控，特別鍾情西裝男，193好奇問3位女主持，曾否因為衣著打扮而喜歡男生，Ashina竟突然公開示愛：「梗係有啦！我就好鍾意好乾淨、好韓國style，即係識襯衫，好似你咁。」此話一出，即惹來同場兩位女主持起哄，Helen當面取笑Ashina：「每6秒一個示愛。」至於經常被示愛的193如何接招？「老婆」(193粉絲暱稱)要留意今晚節目了。
193耍手擰頭，莫非拒絕郭奕芯？
郭奕芯(左)向193公開示愛，被譚凱倫(右)嘲笑。
Erica主動錫「就婚夫」
同時，Erica又分享戀上「就婚夫」的經驗，對方是已有未婚妻的同事，兩人醉後接吻。Ashina表示跟曖昧對象飲酒後錫錫特別有feel：「我試過做主動，當時飲咗少少酒，加上同佢玩玩吓，我同佢講，你睇吓，我個嘴有啲乾呀。其實我對個男仔有啲意思，大家都知道大家有啲意思，跟住佢話係咩，咁要試吓先知，跟住我就一嘢錫落去。」
郭奕芯在節目開播時，在IG上載與193的合照，卻不見其他女主持。
郭奕芯分享自己借醉咀曖昧男生的經驗。
193在節目中亦會分享個人的愛情觀。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
