前商台DJ細So被爆偷食，去年同樣被揭一腳踏N船的張致恒(Steven)，與雯雯(區燕雯)結婚後似乎已修心養性，除了努力搵工賺錢外，更樂做湊仔公，日前他更開設YouTube Channel分享他的育兒心得。
今日是Steven與雯雯結婚一周年，Steven偕太太外出撐枱腳，並寫下長文感謝女方的付出。他說︰「今日係我同佢嘅大日子，結婚一年了，我好想多謝我老婆，用一個無私嘅心去接受我嘅一切，當初我把事情搞到咁大，但係佢仲原諒我。其實一開始我講咗無數咁多嘅大話嚟呃佢，佢一直都以為我分咗手，所以先同我一齊，直到所有事情爆煲，佢先知道原來我仲未分手。呢一年以來好多時候佢諗返起我對佢做嘅嘢，佢都會自己一個人喺度喊，見到佢咁樣我真係好心痛，亦都好後悔自己做過嘅錯事。好多謝老婆用咗一年嘅時間去改變咗我呢個心，我會用一世承諾嚟報答返你對我嘅愛。」Steven更在YouTube分享「特備節目」，正在餵奶的他甘願讓雯雯唧黑頭。
至於雯雯也分享二人合照，二人表情非常趣怪，留言說︰「一對已經有仔女的夫婦，其實可以咁樣出去幾個鐘，已經係一個好特別嘅慶祝，雖然冇高級餐廳、冇一束花、冇禮物、冇浪漫特別嘅安排，但我有兩個小朋友，已經足夠。」
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
