小惠到電台接受梁泰來的訪問。
梅小惠於2001年拍古裝版處境劇《皆大歡喜》，但04年的時裝版時，卻中途離開，更傳她與趙學而因為遲到而鬧不和。小惠日前到電台接受訪問，大談她的演藝生涯及感情事，其間她更親揭離開《皆大歡喜》時裝版的原因。
被問到離開劇組是否與趙學而有關，她否認並指自從沒有遲到︰「家姐梅小青訓練我咁耐，每日通告我都會比化妝更早到。我想講《皆大歡喜》合作咗咁多年，有開心亦有磨擦，但離開劇組或離開幕前都唔關任何人事，係我感覺到無論演戲或做主持行到某個位，加上年紀已經唔細，想進步及挑戰自己。《皆大歡喜》係群戲為主，少咗我影響唔大。」
小惠與趙學而傳不和。
眾所周知，曾偉權是小惠的初戀男友兼她唯一承認過的戀人，他們於86在亞視邂逅，及至99年因為第三者而分手，男方更曾在專訪中稱對小惠有歉意，坦言「蹉跎了她的歲月」。小惠表示曾看過曾偉權的訪問，並已一早放下︰「人生會有唔同過客，應該記得及珍惜佢嘅好，唔好嘅就要忘記，否則只會折磨自己。一路以來，我係好感激權權由我21歲開始對我嘅保護，令我冇俾人呃，亦讓我有咗小家庭嘅感覺，等我可以專心工作。到最後要分開，唔係盡是單方面嘅責任，或者我都係有啲嘢冇做好。」她又提到分手之後，令她瘋狂購物兼體重跌至98磅。
小梅與曾偉權拍拖多年，最終因為第三者介入而分手。
去年曾偉權因病離世，小惠表示事前不知對方患上癌症，只知他身體不適，「佢走嘅一天，家姐打電話問我有冇收到消息，嗰時我同客戶開會中，好冷靜。係第二日記者先證實消息，亦好感激權權讓我有一天晚上嘅時間回憶佢對我嘅好，能自然真心回答大家。」
立即更新/下載AM730手機APP 體驗升級功能
