2019-09-06 05:15:00

最怕看驚慄片陳家樂：驚有生理反應

陳家樂、岑日珈、麥家瑜、袁祥仁及潘紹聰等，前晚出席電影《綁靈》首映禮，一身火辣晚裝現身的岑日珈，自爆因減肥而跌級；陳家樂稱，過往很怕看驚慄片，因為試個看恐怖片有「生理反應」。

陳家樂自言很怕睇鬼片，害怕因太驚會出現「生理反應」，他更自爆：「曾經食住爆谷睇恐怖片，見到電鋸鋸人，因為太核突睇到反胃同嘔，之後俾朋友笑。」陳家樂指，幸而因為拍過不少驚慄片，知道鏡頭前後的製作過程，如很多暴力場面是假，他笑說：「好多血肉橫飛嘅場面，有一大塊生豬肉就拍到，我上一套戲都有拍劏屍戲，劇組為咗慳錢，一副豬雜、牛雜拍足幾日，真係好恐怖。」

岑日珈狂肥減導致上圍跌級
身穿紅色大露背裙性感晚裝的岑日珈表示：「最近積極減肥，同拍攝《綁靈》時相比，依家瘦咗20幾磅，不過戲中演中學生，太瘦反而唔太合適。」她透露，因經過減肥後上圍跌級：「上圍由B Cup跌到現時A Cup，夏天好熱，出街可以唔使戴bra，只貼兩塊乳貼就OK，感覺輕鬆好多。」岑日珈不介意瘦到見骨，直言愛骨感美，但怕嚇親追求者。