![](https://cdn.am730.com.hk/s3fs-public/styles/article_image/public/2023-09/1f9552f0-58ec-11ee-bfef-415377ad8438.jpeg?itok=T_QeVZ-8)
與何廣沛結束6年緋聞 朱晨麗曬靚相大反擊 網民質疑容貌再進化:5.0版本
朱晨麗與何廣沛緋聞傳足6年,直至今年初地下情終斷,雙方各自傳出新戀情。何廣沛直認與任職公關的女友Sarah拍拖;朱晨麗則被爆暗撻富二代史昊洺(Kenneth),更傳出懷孕消息,惟朱晨麗否認傳聞,強調與對方只係朋友關係及自己無懷孕,及後又連還出PO分享「大肚婆禁忌」,包括食冰和瑜珈倒立,力證無懷孕。
食冰和瑜珈倒立力證無懷孕
近日亦與網民分享一輯靚相,罕有地露出事業線,網民笑指係絕地大反擊。
朱晨麗於照片寫道:「A Simple Life.」,朱晨麗一頭微曲髮搭配白色吊帶連身裙彈琴,低胸設計罕有地露出事業線,網民留言大讚:「永遠都是那麼美」、「You are so elegant!」、「大反擊」、「姐姐好美麗」、「太美的畫面」、「如果妳願意喺書展出寫真我必定支持妳!」等等。
被指顴骨變平及鼻樑變高
另外,唔少網民都錯重點,將焦點放喺朱晨麗影相嘅地方。從照片中睇到,其樓底極高,落地玻璃中亦可以見到屋外嘅魚池和大花園,空間感非常高,就連崔建邦都留言表示:「屋企好大!」
不過,朱晨麗就回應指並唔係佢屋企:「特色餐廳。」朱晨麗又於微博分享喺同一環境下影嘅正面靚相,但今次就被網民指朱晨麗容貌疑似再進化,表示顴骨變平,鼻樑則變高,要睇多幾睇先認得佢,直言進化至5.0版本。
原文刊登於 Yahoo 娛樂圈