王祖藍、李亞男夫婦,昨日出席九肚山新樓盤,早前有傳李亞男患有抑鬱症,她指多虧王祖藍製造假新聞,並解釋只是工作繁忙,令自己有點不開心,慶幸有一大班朋友慰問,而且工作機會多了,在旁的王祖藍即自嘲,近日多數食「軟飯」,有稱李亞男很多私己錢,買樓的話要靠她。
早前被傳患上抑鬱症,李亞男笑言因禍得福:「多得佢(王祖藍)搞啲假新聞出嚟,其實只係佢去咗拍戲嗰3個月,我有少少抑鬱,唔喺咁開心啫,唔係有抑鬱症,不過好多朋友關心我,又送書又送藥,而且多咗好多工作機會。」在旁王祖藍就插咀指:「係呀,最近我食咗好多軟飯,下一個單位就靠你買啦,你好多私己錢啦。」
與謝霆鋒啱咀形傾廚藝
談到李亞男廚藝大有進步,問王祖藍可會捧她做廚神,他笑言:「佢本來就係美女廚神啦,今日佢連工作人員嘅飯都準備好,幾厲害呀,佢依家準備出一本烹任書。」問到可會想開烹任節目給太太,挑戰謝霆鋒的廚藝,王祖藍直言當然想為老婆開節目,又大爆日前與太太上了謝霆鋒的節目:「霆鋒同李亞男好傾得埋,佢哋兩個一直響度傾點煮食。」