李彩華昨日到電台接受啤梨訪問，兩人當年是同一唱片公司，更曾經合唱一曲《I Believe》，李彩華說：「我哋好似只響錄音室時合唱過，冇喺台上演出過。」啤梨笑稱：「當年我以為有機會同你同台合唱，買定咗幾多內增高鞋墊，點知都係用唔上。」李彩華笑說：「仲有冇存貨留低，希望未來有機會，同你一齊登台唱呢首歌。」啤梨即說：「咁我依家開始播多啲，希望你帶挈我登台啦。」
李彩華年初成為人妻，啤梨問她何時計劃生小朋友，她說：「計劃應該明年，因為我今年仲要去下滑雪，等我玩埋今次先。(想生仔定女？)我想生女，但通常想都唔得，我覺得呢啲多數事與願違，想生女就生咗個仔，好多朋友都係咁。」本月11日是李彩華36歲生日，她稱：「都係一班朋友食飯慶祝，唔會有乜特別嘢搞，都係年輕一歲啫！」去年她生日獲老公求婚慶生，今年就成為人妻，明年計劃做人母，李彩華稱：「冇咩生B偏方，不過身邊唔少朋友都做咗媽咪，搞到我買BB衫好有經驗，要買大幾個月嘅尺碼。」
入App免費換走健康產品
