40歲李彩華電影角色妝容顯老 網民：怎麼像年過半百了
現年40歲嘅李彩華（Rain）近年主力於內地發展，除咗參加真人騷、商演及拍劇之外，早前更參與網絡電影《孟婆傳之緣起》拍攝，雖然角色造型華麗及霸氣十足，不過妝容就被網民指非常顯老。
李彩華喺《孟婆傳之緣起》中飾演「冥王」一角，雖然佢唔係第一女主角，不過戲份一啲都唔少。
「古裝不好看」
雖然「冥王」造型華麗及充滿霸氣，不過妝容就被指好顯老，網民仲話佢睇落至少老咗十年，個樣似年個半百：「古裝不好看」、「這樣看老了至少十歲……」 及「怎麼像年過半百了」 等等。
《孟婆傳之緣起》以宿命及神話愛情作為主題，講述地界嘅孟婆管理黃泉操持白事，而天界嘅月老就主管姻緣紅事，一紅一白，佢哋原本係互不相干，不過就有着千絲萬縷嘅關係。
原文刊登於 Yahoo 娛樂圈
立即更新/下載AM730手機APP 體驗升級功能
