李璨琛的4歲囡囡Lucy，獲媽咪開IG分享生活趣事。
李璨琛的4歲囡囡李元元（Lucy）出名鬼馬，加上外表可愛，令人仔細細的她已成為網上紅人，媽咪為Lucy開設的IG帳戶多逾37萬followers，最近在《第1屆香港社交媒體風雲榜》中打入十大「2021香港社交媒體風雲人物」，與姜濤、呂爵安（Edan）、張敬軒、七仙羽等紅人睇齊，證明Lucy在網絡已有一定的影響力。
Lucy對歌手張天賦（MC）情有獨鍾，還加入成為「賦二代」的一份子。Lucy媽今日又再出賣囡囡，在IG公開影片，只見Lucy坐在梳化睇電影，螢光幕上傳來《小心地滑》的旋律，Lucy即刻話俾老竇知：「係MC唱㗎喎！」李璨琛之後就答：「係喎，你偶像喎。」Lucy睇得陶醉之際，再問老竇：「你覺得MC靚唔靚仔吖？」Lucy媽之後還寫「你叫老竇情何以堪呢 #老母喺廁所聽到忍唔住偷笑咗一下 # 當時老豆應該係心中淌淚甚至乎係淌血 # 得啦全世界都知你覺得MC靚仔啦麻煩」上載四小時已有近2萬網民派Like及留言。
Lucy坐在梳化欣賞MC新歌《小心地滑》。
Lucy貴為網上紅人，早前打入《香港社交媒體風雲榜》的十大「2021香港社交媒體風雲人物」。
Lucy情迷MC張天賦，已經是「賦二代」的一份子。
入App免費換走健康產品
