李元元撞凹實木櫃邊，額頭腫起。
李璨琛5歲囡囡Lucy李元元日前在家中發生意外，在家中奔跑時不慎頭撞實木櫃邊，額頭腫起兼現出現長長血痕。Lucy媽咪梁志瑩上載女兒傷勢，以及家中木欄破損的情況，見到櫃邊被撞凹，可見當時Lucy撞落木櫃的衝力非常大。從照片見到，Lucy眼泛眼光及扁咀，李璨琛用冰袋為她敷額頭。
李璨琛跟太太報告女兒及木櫃的傷勢時，一度被太太以為講笑。
Lucy媽︰東華表演要預埋你
Lucy媽咪留言說︰「小犬8號風球當日，李元元喺屋企上演一幕衝力射頭，成個人飛彈埋個名貴實木餐邊櫃，頭殼經過測試夠堅硬竟然俾畀佢撞凹咗個櫃。我老公同我講佢撞凹咗個櫃，我當佢講笑，然後佢好認真咁同我講佢認真。I was like(哈哈笑emoji)，未睇個女傷勢實在係忍唔住笑到震住出廳看過究竟，feel到我老公好似係有一刻嬲我仲喺度笑。我知道我唔應該笑，但心裏不停諗我個女個頭真係有咁硬竟然可以撞凹個櫃？個鐵頭冇爆其實真係好好彩﹗李元元，出年東華表演一定要預埋你，衝力射頭，貼塊膠布佢即刻覺得自己係冇事嘅。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
