𡃁妹和男友開健身室，經常在IG分享相片宣傳。
40歲「𡃁妹」李綺雯2020年約滿離巢TVB後，轉戰網絡做KOL，早前與大隻未婚夫梁愷傑(Ocean)孖住上開設健身室。近年親力親每日在健身室拼搏，但近日卻遭公司前教練撬客，令她相當憤怒。
李綺雯日前帖文鬧爆該位前教練，指公司制度比較寬鬆，旗下教練不像其他健身室要追數，未婚夫Ocean也曾介紹自己的學生給其他教練，新客也是靠她辛苦找回來。她怒說：「我做人有良心，唔代表好恰。」
𡃁妹出po鬧爆無良前教練。
𡃁妹博晒命為搞好健身室生意。
「蠱惑嘢點會唔知」
李綺雯嬲爆直指某位前教練：「帶走公司嘅學生喺出面上堂，我都已經冇出聲，仲要佢哋全部都係因為公司而報名，唔係因為你。係得你連續幾個學生同我講，因為你走所以要退錢，有啲仲要隔咗一年冇上堂。」她續表示：「我出嚟做嘢都20幾年有咩蠱惑嘢我會唔知。」網民都紛紛留言安撫她，表示職場必定會遇到這些人，並謂：「經一事長一智，以後帶眼識人。」
入App拎12大商場蛇年利是封
