![東張女神IG粉絲排行榜,包括廖倬竩Ivy Liu、梁菁琳Katerina、黎寬怡貓仔、吳幸美、陳瑞菱Reina、陳懿德Rachel、王嘉慧Cathy、李旻芳Lucy、梁敏巧Maggie、何沛珈Roxanne](https://cdn.am730.com.hk/s3fs-public/styles/article_image/public/2023-09/6fc37290-5764-11ee-b3fd-4e93f74e9550.jpg?itok=PkzTcPs7)
東張女神IG粉絲排行榜,包括廖倬竩Ivy Liu、梁菁琳Katerina、黎寬怡貓仔、吳幸美、陳瑞菱Reina、陳懿德Rachel、王嘉慧Cathy、李旻芳Lucy、梁敏巧Maggie、何沛珈Roxanne
TVB資訊節目《東張西望》以報導社會熱點及民生議題廣受歡迎,而東張女神亦成為網民討論嘅議題。最近東張+列出10名「東張女神」予觀眾投票,未知大家心水又係邊個?其實睇返10名「東張女神」IG粉絲人數,都已經呈現到佢哋嘅受歡迎程度,一齊睇吓根據IG粉絲人數嘅「東張女神」排名。而《東張+》票選結果將於10月4日節目內公布,相信到時結果都相差唔大。
東張女神第10位:廖倬竩IG5.5KFollwers
廖倬竩(Ivy)為2019年落選香港小姐,10強止步後加入TVB,被安排於明珠台財經節目《股市直擊》擔任主播及主持節目《港生活•港享受》。直至近日加入《東張西望》作主持,報道一宗西環某大廈升降機門夾住狗帶勒死唐狗意外時,廖倬竩以V領上衣及短褲上陣,加上採訪時有板有眼,被觀眾封為「東張新女神」。
東張女神第9位:梁菁琳IG6.8KFollwers
29歲梁菁琳(Katerina)係2021年落選港姐,去年加入《東張西望》,因採訪口才了得,秉承師姐們窮追不捨嘅精神,獲網民大讚採訪技巧出色,亦因經常穿著小性感造型採訪,令觀眾將焦點放於佢嘅身材與衣著之上。而其實梁菁琳參選香港小姐前係一名獸醫,當年花上6年時間修讀有關貓狗、農場動物及研究雀鳥胃部真菌感染嘅科目,以雙重一級榮譽於世界排名前50名的澳洲雪梨大學畢業,絕對係名符其實嘅才女。
東張女神第8位:黎寬怡IG10.6KFollwers
黎寬怡(貓仔)2017年參選港姐,之後透過藝員訓練班入行。不過,觀眾最記得佢成日情緒失控,除咗試過喺直播採訪白彪時撇甩對方去影大合照;又曾喺TVB劇集《大帥哥》祝捷晚會訪問張衛健、洪永城、蔡思貝及楊秀惠期間,突然眼泛淚光而最後爆喊收場。
東張女神第7位:吳幸美IG14.9KFollwers
39歲吳幸美參選2003年港姐入行,2009年開始主持《東張西望》,可以話係資深主持。吳幸美常於訪問期間勇於追問尋求真相,被封「正義女神」。而2016年真人示範「斷片酒」飲後反應引起唔少網民熱議,有網民狠批吳幸美喺到做戲。
東張女神第6位:陳瑞菱IG22.6KFollwers
今年先加入《東張西望》嘅陳瑞菱(Reina)係去年落選港姐,除咗與師姐一樣著貼身小背心採訪,其中一次更加喺鏡頭前唔顧儀態大啖食燒賣,被激讚貼地。陳瑞菱嘅背景都相當大來頭,自己係倫敦經濟學院管理學碩士一級榮譽畢業,母親則於香港擁有約20間美容中心。
東張女神第5位:陳懿德 IG 33KFollwers
25歲陳懿德(Rachel)於中文大學新聞及傳理系畢業,2021年參加香港小姐競選,最後八強止步,但仍獲TVB賞識簽約。2022年被安排加入《東張西望》,同時於《香港小姐再競選》勇奪季軍。去年聖誕,陳懿德廣邀一班TVB藝人好友到元朗豪宅開Party,有米家底受到網民關注。
東張女神第4位:王嘉慧IG 47.7K Follwers
王嘉慧(Cathy)參選2021年港姐時被視為三甲大熱人選之一,可惜大熱倒灶。而佢擁有高學歷兼強勁家底;出身於名校聖保羅男女中學,之後喺倫敦大學學院(UCL College)修讀心理學,並獲得一級榮譽及Dean‘s honour list;畢業返港後,再喺中文大學修讀法律博士,爸爸則係著名傢俱公司創辦人。王嘉慧加入《東張西望》曾因追訪個案收到「姦斬令」恐嚇訊息,令網民替佢擔心。
東張女神第3位:李旻芳IG 56.1K Follwers
李旻芳(Lucy)曾報名參加《2012年度香港小姐競選》,2013年TVB藝員訓練班入行,兩年後被安排主持《東張西望》,由外景主持做到兼任廠景主持,主持功力深厚及豐滿身形都得到網民關注,被封為「東張咪神」。李旻芳於2019年與拍拖六年嘅訓練班同屆同學黃耀英結婚,成為幸福人妻。
東張女神第2位:梁敏巧 IG75.5K Follwers
梁敏巧(Maggie)畢業於樹仁大學新聞與傳播學系,曾任記者至2019年參加香港小姐競選,以落選港姐身份加入TVB,被安排主持兒童節目《Think Big天地》及《東張西望》外景,加上不時於社交平台分享穿著小背心,露出小蠻腰或長腿嘅照片,成為新一代「東張女神」。
東張女神第1位:何沛珈 IG96.1K Follwers
何沛珈(Roxanne)2020年參選香港小組競選,為選港姐更加放棄咗護士嘅工作,縱然五強止步,不過仍被TVB睇中,安排加入資訊節目《東張西望》擔任外景主持,成為「東張女神」之一,亦化身白衣天使擔任《醫醫,我不想再病了》護士小幫手,又加入處境劇《愛·回家之開心速遞》取代蔡玉皎(王子涵飾)秘書位置,及與細龍生(鄭世豪飾)復合,成為長駐角色。去年10月,何沛珈參加《香港小姐再競選》,再次穿上泳裝爭奪冠軍寶座,最後勇奪冠軍及「更上鏡小姐」獎項。自奪獎後,何沛珈工作機會開始增多,又於今年5月在無綫總經理曾志偉帶領下,亮相內地網紅「瘋狂小楊哥」直播,得寵程度相當高。
原文刊登於 Yahoo 娛樂圈