有人把海龜棄在郭秀雲的辦工室門外。
郭秀雲日前透過《東張西望》表示日前她的環保組織辦公室門外收到一隻名叫「太郎」的瀕危物種綠海龜，片段見到兩名男子於6月24日把一個黑膠袋包住的大膠箱，連同一袋物資以及「太郎」的BB照及一封信推到辦公室門外。郭秀雲形容事件是很神奇，並透露當時同事去洗手間時發現門外竟然有人棄養綠海龜。
飼養海龜是非法
片段見到太郎身處在大膠箱內，活動空間狹窄，並不時探出頭。郭秀雲讀出信中內容，「基本上佢話養咗七年，喺網上買咗隻海龜，幫佢改咗個名叫太郎，而家太郎太大隻，佢哋覺得唔可以俾到好嘅空間海龜繼續生存落去，同埋覺得將海龜放去大海，佢唔識搵食，於是搵我哋。」同時對方更放低一袋鹽及海草。
郭秀雲指飼養海龜是非法的，所以對方放低之後便消失。她說︰「海龜係一級受保養動物，唔可以就咁拎嚟養，一隻人工養咗7年嘅海龜，唔敢肯定乜嘢環境下長大，但肯定香港一般屋企，就算你有泳池，唔會大得去邊，但呢啲係可以遷徙嘅動物，咁嘅環境長大嘅海龜係咪可以放去大海呢？每一個專家都話千祈唔好，因為佢唔會識得搵食。」
太郎的活動空間不多。
太郎暫居海洋公園
她坦言感受到主人是很愛錫太郎，盼對方從今次事件可以學習到不要再買瀕危動物來飼養，直言有些動物真的不適宜人養，而飼養人士亦未必能提供合適的環境，行為亦變相好自私。節目稱太郎現時交由漁護署處現，太郎暫時居住在海洋公園，等待進一步安排。
amJetso 送BIODERMA救星小紅瓶🩷護膚恩物 立即按此參加👇
