林宣妤終於返港！
林宣妤於1月初回到馬來西亞參加姐姐的婚禮，因疫情關係回港航班被取消，滯留在老家一段長時間，部份工作亦被迫延後，日前她終於排除萬難成功回港，入住酒店進行隔離。
她表示回到老家可以食到媽媽炮製的美味客家菜之餘，還可以不停品嘗最愛的榴槤，雖然食極唔肥，在酒店隔離中的她努力做運動，務求以最佳狀態出關。林宣妤說︰「初時都擔心回港無期，因為航班取消了，我前後留咗喺馬來西亞兩個月，好心急想快啲返來香港開工，不想因為自己耽誤或影響之後的拍攝，唯一開心的是在疫情下能留在馬來西亞過埋農曆新年，同屋企人相聚。」
林宣妤在酒店隔離並努力做運動。
回港前她與家人去了一個短旅行，挑選了一個偏遠的度假村玩了3日Staycation，一家人輕輕鬆鬆游水、打沙灘排球，踩單車，期間又去玩小型賽車，追求刺激感覺。她又分享在馬來西亞行山的感受︰「我係嚟咗香港先鍾意咗行山，相比之下，馬來西亞的山路比較崎嶇，但風景怡人，真係好靚，行得辛苦都值得！」
此外，林宣妤亦隨姐姐去畫展：「姐姐知我對畫畫同藝術好有興趣，所以帶咗我去見識，在畫展上識咗好多志同道合的人 ，
大家作藝術上的交流，而我趁留喺馬來西亞的這段時間，上了一個為期三日的掃描課程，以前我畫畫都係自學，唔識就上youtube搵資料，我唔鍾意太有規則咁去畫畫，而家學咗基本的基礎，可以畫出自己所想表達的畫！」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
