林家熙孖Kayan情侶檔搵真銀
林家熙(Locker)及吳家忻(Kayan9896)以情侶檔甜蜜現身，擔任腕錶品牌揭幕嘉賓，他們奉旨打情駡俏，相當Sweet！
活動上，有記者問兩位是否寓工作於拍拖？Locker馬上半講笑話：「唔會！我好認真拍拖㗎！」家忻亦笑言：「其實想分開下….講下啫…情侶檔好好玩，可以打佢（Locker）！」Locker希望繼續情侶檔接更多活動。家忻要求Locker買隻手錶給她，點知隨即被Locker反駁：「我成日都送嘢畀妳㗎啦，唔好扮嘢喎！其實佢好慳，好炸買嘢，嗰日佢好開心話買咗個銀包，我即時轉錢畀佢，送俾佢啦。」家忻今年在音樂頒獎禮角逐新人獎，但她對爭獎信心不大，以平常心面對，並說：「獎項如浮雲，有就有、冇就冇，屬於我的就會給我。」她透露將與Locker新年到日本旅行，但二人未曾一齊出過埠，笑言不怕會發生爭執，自認好相處，在旁的Locker聞言冷笑，他指情侶爭執少不免，但次數不多。
amJetso 送BIODERMA救星小紅瓶🩷護膚恩物 立即按此參加👇
