林峯表示未有打算返TVB拍劇。
林峯出席昂坪市集的聖誕裝置揭幕活動，他透露早前不慎拉傷腰部：「完做完澳門演唱會之後少了運動，今到肌肉繃緊肌，早幾日打了個乞嗤拉傷條腰。」他笑言湊女反而有郁動會好一點。談到最近推出新歌《我又戀愛了》，他感謝填詞人黃偉文（Wyman）為他度身訂造，原來是Wyman睇完《九龍城寨之圍城》後，以「陳洛軍」第一身出發寫的愛情故事，今次新歌屬兩人相隔15年後再合作，對方更笑指依這樣推算，下次再合作應該是70歲，阿峯笑指希望下次跟Wyman合作不用再等15年後。講到有網民指《我又戀愛了》的宣傳照跟盧瀚霆（Anson Lo）的《致我》撞cover照，林峯稱：「男仔嚟嚟去去都係咁嘅裝扮啫！」表示該輯相是在數月前為澳門演唱會而預先拍攝。
對於無緣躋身叱咤今年「我最喜愛的男歌手」的10強，他説：「好新鮮，因為我個名出現喺叱咤，已經好開心！」提到將為無綫擔任台慶表演嘉賓，阿峯笑言是回「老東家」做跳唱嘉賓，不過沒有計劃回娘家拍劇，指老闆古天樂希望他繼續以電影為主力，透露稍後有電影工作安排。
立即更新/下載AM730手機APP 體驗升級功能
