林明禎緊貼追鴨熱，跟幾千隻鴨仔打卡。
近日橡皮鴨成為香港焦點，昂坪360亦成為另一追鴨的打卡熱點，大馬女神林明禎以一身浴袍打扮現身昂坪360，跟幾千隻鴨仔打卡，明禎表示：「十年前我仲未嚟到香港，所以呢日係第一次睇鴨仔，聽到有幾千隻橡皮鴨喺呢度，所以好開心有機會嚟到昂坪360打卡。」
原來今次是明禎第二次與昂坪360合作，這天除了「追鴨」打卡外，還有機會跟橡皮鴨沖泡泡浴：「呢對橡皮鴨陪咗我成日啦，去咗唔同嘅地方打卡，仲帶咗佢地搭主題纜車同喺大浴缸浸浴，成個浴缸都係鴨仔，成功幫佢地搵翻啲『朋友』。我覺得好開心可以再嚟呢度工作，好似返咗去好親切嘅地方，今次天氣好好，原來呢度四季嘅風景都不一樣，見到大佛真係好靚。」明禎就話平時好需要「Me Time」，仲話要流汗先有舒壓嘅感覺，她稱：「平時早起我一定會做瑜珈，出晒成身汗就去浸泡泡浴，呢個係我解壓嘅最好方法！其實我屋企唔係好多『公仔』，但廚房嘅用具就係橡皮鴨，每次入廚都有好溫馨嘅感覺。我好想帶橡皮鴨返去馬來西亞，送比我屋企人，猶其係我嘅姪女，我諗佢地都應該會超級鍾意。」
amJetso 送BIODERMA救星小紅瓶🩷護膚恩物 立即按此參加👇
