Bella的爆炸頭深受歡迎。
林穎彤(Bella)連續4年為一信貸公司擔任代言人，上一輯廣告Bella以爆炸頭家庭主婦造型示人，深受粉絲及客戶愛戴。全新廣告決定延續這個經典造型，Bella還要發揮語言天份，扮日本學生妹講日文、扮韓國大媽講韓文，扮MJ講英文，但Bella最難忘卻是扮李小龍。
Bella表示最難忘扮李小龍。
Bella說︰「無諗過四年後嘅今日繼續用我，新一輯廣告延續爆炸頭之餘，我仲要扮日本學生妹、韓國大媽、Michael Jackson、李小龍等等。」Bella表示扮李小龍令她難忘︰「淨係要著住佢套黃色戰衣，我真係食多少少嘢都唔敢，之後仲要耍雙截棍，我本身玩都未玩過，但要扮到好識耍、好有型，好多次條棍揈中我身體『啪』一聲，證明我好俾心機，希望耍好雙截棍，但現場班工作人員就好擔心我，驚我會受傷。」
即將踏入虎年，Bella新一年的工作計劃已開始籌備中，她記：「剛剛播完《十月初五的月光》，入面戲份比較重，自己都好用心去拍，嚟緊除咗會繼續做綜藝節目，近排開始籌備錄新歌，同監製、作曲人開過會，新歌會加入自己嘅想法，參與度比以前多，想透過音樂，俾大家了解我多啲內心世界，所以虎年最大心願，希望會有好嘅音樂作品帶俾大家。」
