梁漢文(Edmond)在九展舉行一連兩晚《我的另一半音樂會》，尾場有好友陳奕迅、楊千嬅、許志安和劉浩龍等到場支持。Edmond表示滿意自己的表現，喉嚨比較放鬆，所以愈唱愈想唱，比之前一日唱多了歌。
Edmond笑言這個場館的設計跟歌迷非常近，「今日都無圍欄，歌迷就特別興奮！」他直言跟很多歌迷都認識，所以明白他們的熱情。Edmond又感謝太太為他設計演唱會造型，「原本計劃一齊去旅行嚟報答佢嘅付出，但奈何將要到內地拍攝電視節目，暫時無檔期。」
玩「歡樂卡」過關即娶
在唱出送給太太Karen的求婚歌《註定》前，Edmond與歌迷分享決定結婚的經過：「9年前朋友同我開Party慶祝生日，當時大家玩『歡樂卡』，但無人可以過關，我就同Karen講，『如果你過關嘅話，我即刻娶你做老婆！』最後她竟然可以一次過晒，之後我就認真去思考結婚嘅事。」被問到可會怕太太介意這事被公開，他笑著回應：「應該唔會啊，都係分享一啲關於歌曲嘅故事。」
限時早鳥優惠 火速訂位 | am730母親節溫馨晚宴 $5000福袋等你拎!
