梁競徽自爆投資失利蝕6位數 一日暴走1300公里工作養家搏到盡
現年45歲嘅梁競徽（前名梁烈唯），近年專注內地發展，參演網絡電影以外，仲加入直播帶貨、出席商演；佢亦有投資鐘錶店、車行等生意，瓣數多多。不過上年年尾佢喺TVB節目《今晚乜都拗》中自爆投資失利，所以生意加埋虧損6位數字，並退股離場。日前佢喺社交網站上載工作影片，原來佢為咗工作喺24小時橫跨1300公里，認真為養家搏到盡呀！
暴走1300公里由佛山到北海工作
日前梁競徽喺社交網站上載一條關於跨越中港兩地嘅工作影片，並寫上「只用24小時暴走1300公里！由佛山出發往北海工作，再返回香港用了24小時，暴走了1300公里！其中有17小時是在車上度過的。」之後佢再問網民「你試過用最短嘅時間暴走最遠嘅距離係幾多？」
喺影片中，梁競徽喺朝早9點半於佛山食早餐，之後就搭車前往北海工作，喺搭車途中除咗瞓覺，佢仲可以睇大熱電影《哪吒》第一集。佢喺凌晨12點45分抵達廣西北海市，喺當地夜店登台演出，之後返回香港屋企。
原文刊登於 Yahoo 娛樂圈
立即更新/下載AM730手機APP 體驗升級功能
