《香港小姐》15位入圍候選佳麗昨日首次會晤新聞界。馮盈盈師姐楊慧敏(Mina)被爆出黑材料，有人留言直斥她當空姐時有公主病，中學時期也是「獨家村」，對於有關報道，她表示：「我個人都幾正面，平常心面對啦，每個人都有成長嘅經歷，細個可能會同人有溝通上嘅誤會，人大咗見識多咗會變嘅。(報道說你有公主病？)對住男朋友可能會有一啲。」
楊慧敏唔認有公主病。
旁邊的蔡嘉欣(Kayan)則表示：「Mina係女漢子嚟，可能我哋兩個年紀大一啲，好似姐姐咁，爽直一啲。(太爽直會否怕得罪人？)都係做自己啫，會容易識到真心朋友。」Mina續指，「自己算幾成熟，每講句說話都會經過大腦思考，唔怕得罪人。」對於有指Kayan有刺青本應不能入圍，但現在晉身15強，她表示希望留有神秘感到泳裝環節。
蔡嘉欣自稱阿姐，性格爽直。
大熱之一黃嘉雯，被拍到與男友街頭纏綿，她表示不怕影響賽果，男朋友亦都非常支持她。
立即更新/下載AM730手機APP 體驗升級功能
