樂易玲近日是非纏身。
無綫高層樂易玲今日出席《飛虎3壯志英雄》記者會，最近圍繞她的是非多籮籮，對於有傳她與王祖藍鬧不和，她說︰「邊有交嗌？都冇咁嘅事，祖藍回應晒喇！冇咁嘅事，唔需要回應。」她指從事娛樂圈經常要面對這些流言，並很認同祖藍在網上引用聖經的帖文，認為對方寫出她的心境。
否認因視后結果出分歧
對於有傳王祖藍因不滿邀請鍾嘉欣回港，對方卻未有獲頒視后，樂小姐指頒獎禮有其機制，每年都有這類新聞，「當然可能每一個人有唔同嘅心水」，認為有人討論，證明大家有注意這個獎項，也是好事。
樂易玲否認與王祖藍鬧不和，當傳聞是娛樂新聞一則。
珍惜每個廣告客戶
提到「蟲草大王」陳恩德抽起無綫千萬廣告，改落ViuTV，並要求樂易玲交代。樂小姐表示，不清楚對方在無綫投放幾多錢廣告，要問廣告部才清楚。她又聲稱非常珍惜每個廣告客戶，視客戶為上賓，但強調陳恩德邀請李佳芯出席他旗下公司的活動，並非公司以內的工作，「呢個係一個external engagement，藝人係有權想做定唔想做，站喺經理人立場，一定要照顧藝人先。」
陳恩德透露收到無綫多個不合理要求，包括不能與Ali合照，在台上也要保持距離，令他感到不獲尊重。
透露李佳芯感困擾
再問到李佳芯有否接下陳恩德當日的活動工作，樂小姐表示︰「我冇見到有contract呢啲，我冇見到啦！如果接咗一樣嘢唔做就叫缺席，冇接嗰樣嘢唔係叫缺席。」對於因為今次事件令無綫失去千萬收入，她說︰「老闆冇俾過任何壓力我，我都冇俾壓力我啲同事，首要係保護自己藝人，好似我哋拍戲、做嘢又好，我個部門以藝人福祉為重要宗旨。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
