《毒舌大狀》今日舉行開鏡拜神儀式。
由黃子華、王丹妮、廖子妤主演的電影《毒舌大狀》今日舉行開鏡拜神儀式，林保怡、谷德昭、ERROR成員何啟華(Dee)、楊偲泳、柏天男等亦參與其中。
Dee與楊偲泳在戲中與黃子華屬同一個法律團隊，Dee表示在片中扮演師爺，並指公司告知他將與子華合作時，非常興奮︰「我話唔好講咁多，幫我推晒嘢接啦！大家睇我出道都知，有做過talk show，就係扮緊佢，以前喺YouTube見佢，依家可以見真人！」他笑言不介意與子華有感情線，並透露其角色是搞笑為主和十分崇拜子華。
何啟華得知與黃子華合作，非常興奮。
Dee公開攨Job
問到Dee推了甚麼工作，他說︰「電影啲期好重要，所以乜都讓咗電影先，驚有差池自己都唔安落。(係咪賺少咗？)其實有冇子華都係賺咁少，呢排冇咩曝光，大家幫幫手！哈哈！」
楊偲泳柏天男勁冧子華
楊偲泳表示很開心與子華合作，自言是他的粉絲，其角色與子華處理案件，有不少對手戲，大多時都是單對單，搞到她非常怕羞。柏天男稱其角色是醫生，當得知與子華合作大為興奮，但擔憂自己中文不靈光，怕與轉數快的子華和Dee應接不到。
(右起)何啟華、楊偲泳、柏天男。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
