可宜邀請了江芷妮擔任《有種老闆娘》首集嘉賓。
由可宜主持香港開電視新節目《有種老闆娘》將於於本周三(23日) 播映，首周分別請了江芷妮、黃宇詩及陸詩韻擔任嘉賓，其中息影多時的江芷妮(Cherie)轉戰美容界做老闆娘，她透露絕非易事，必先要調整心態，放下藝人光環，事事親力親為，甚至要落手落腳洗廁所，同時更要時刻兼顧家庭，照顧子女學業成長。
Cherie透露07年決心轉型，皆因不習慣娛樂圈的生活模式，她說：「其實當初入行，唔係話好想做明星，做藝人有好忙嘅日子，但亦有好得閒嘅時候，可能連續一星期都冇嘢做，唔慣呢種生活，所以就諗(想)做多樣嘢，開始學做美容。」開拓美容事業後，因為「下屬」的一句話，激發了她全身投入美容事業，她表示：「有次有個同事想問我啲嘢，不過佢問完後，就話『我諗你都係唔識』跟住轉身走咗，令到我想喺呢行學多啲嘢，慢慢就全身投入，冇做藝人。」
息影多年的江芷妮放下藝入光理，現已是兩間美容店的老闆娘。
由被服侍到招呼人
Cherie坦言，「做藝人畀人服侍開，但轉型做服務性行業，就要招呼番人，如果呢方面嘅心態調適唔到，就好難去做。當時安德尊對我好好，佢曾經同我講『芷妮，做生意掛個名就得，唔使落手落腳』但我覺得唔全心全意做、唔認識業務，好難做好，我想更深入了解呢個行業，唔係淨係掛名。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
