泰臣加入無綫10年，今宣布結束賓主關係。
泰臣於2013年加入無綫，在此之前，他曾參與不少舞台劇、電影演出，甚至也是無綫藝員訓練班客席導師。成為無綫藝人之後，他參演過不少劇集演出，雖大多是配角，但令人留下深刻印象。他於2021年憑住《智能愛人》扮演機械保安，入圍角逐《萬千星輝頒獎典禮2021》「最佳男配角」，打入最後5強。
泰臣在《智能愛人》的表現令人大讚，並憑角色入圍角逐男配角。
泰臣最後敗給朱敏瀚。
6月展開新一頁
今日泰臣在社交平台宣布與無綫10年的賓主關係結束，並稱6月會進入新的旅程。他發文多謝曾與他合作過的台前幕後，亦特別多謝「獎門人」曾志偉的知遇之恩。近年泰臣定時舉行戲劇課堂教人演戲，相信他未來會主力做導師及專注舞台上的演出。
泰臣過去一直有開班教演戲。
回憶10年無綫生涯
泰臣在社交平台寫道︰「踏入6月我再次起步啦，用3分鐘嚟回顧晒自己TVB 10年嘅點滴談可容易呢？無可能夠啦。呢幾日掃手機，一路摷番每一個製作嘅相，一路load番同每個相中人一齊經歷過嘅回憶... 熱到癲嘅外景、凍到僵嘅廠、亢奮回魂嘅萬歲、廿人衝去轉妝嘅live騷、等到懷疑人生嘅大雨、要懷疑埋下一世嘅大over、集體眼瞓到唔知噏乜嘅台詞、好鬼認真嘅對戲、笑冧全組人嘅NG、飄飄然嘅大慶典、難得嘅碰杯...... 仿彿一轉眼嘅事。」
泰臣參與不少綜藝節目拍攝。
曾獲汪阿姐讚
他續寫道︰「10個年頭，自問成熟咗，道理領略多咗，人與人關係深交咗，認識我嘅觀眾層闊咗，我相信我所得到嘅必定良多。點估到自細睇《430》、《新紮師兄》、《季節》、《大時代》長大嘅（我指我老竇），會見到個仔上台慶呢？呢個舞台界過界去電視嘅新人，有俾阿姐讚過算叫做威過吓。緣份下，得到好多機會、得到前輩提點引路、又有梳化服攝crew兄弟姊妹射住、更有戲裡戲外嘅拍檔同行、監製導演編審首領們獎門人嘅知遇之恩，超級感謝，唔識講認真嘢，所以，超級感謝。慶幸冇唔見過手機兼有俾錢養住個cloud，開心搵到呢批相，留住大家一齊笑嘅樣，笑聲有包埋，喺我記憶度。My friends, see you﹗」
泰臣演過不少舞台劇，口碑甚佳。
立即更新/下載AM730手機APP 體驗升級功能
