泳兒率同門師弟搞戶外騷。
泳兒（Vincy）將於下月3日帶住同門師弟洪助昇（Aiden）、黃明德（Dark）及黎展峯（Andy）到香港海洋公園水上樂園舉行戶外個唱，門票明天開賣，全企位單一價488元。由於是戶外騷加上場地是水上樂園，相信會有不少歌迷大嗌除衫，Vincy表示將重任交給三位師弟，「我冇本錢呀，呢啲梗係交俾啲小鮮肉啦，我都好期待。」
泳兒表示自己沒本錢，除衫責任交予三位師弟。
預告同觀眾玩濕身
向來皮膚白淨的Vincy表示不擔心熱及曬黑，「我出名怕凍，所以熱我係絕對唔驚，而且我曬極都唔黑，加上今次係傍晚開show，好似話場地一邊唱一邊可以睇到日落，應該好好feel。」她又謂，可以近距離同觀眾互動，「之前同阿Dark喺澳門都做咗個戶外show，氣氛好正。今次呢個場地，歌手同觀眾感覺更加close，更加感受到佢哋嘅熱情。」她笑言到時可能會帶定水槍上台跟觀眾「互動」一番，「水上樂園吖嘛，有支水槍喺身係好合理嘅。」
泳兒曬極都唔黑。
由於Vincy稱除衫重任交給三位師弟，Dark表示自己仍然是學生，「一睇就知我係『賣藝派』啦。」向來有做開gym的Andy笑說如果除衫，怕觀眾會分心，未能專心聽歌，「我唔想搶鏡，哈哈。」至於Aiden則醒目戴定頭盔「執雞」，「就算除都冇話唔打底㗎，哈哈。」
洪助昇(中)、黃明德(左)及黎展峯(右)到時會不會騷肌呢？
amJetso 送BIODERMA救星小紅瓶🩷護膚恩物 立即按此參加👇
