羅子溢和梁諾妍於劇集《家族榮耀之繼承者》有大膽情慾戲份。
羅子溢和洪永城老婆梁諾妍於劇集《家族榮耀之繼承者》中飾演一對，兩人戲中有不少大膽情慾戲份，睇到洪永城醋意大發，日前更拍片點名指導羅子溢如何借位嚇親熱戲。
洪永城拎住手機直擊老婆與羅子溢的親熱戲後，嬲爆表示：「又錫、再錫，有冇搞錯呀！使唔使次次都真錫呀！羅子溢。」他更拍片親自示範三招可以將假錫拍到真錫的效果；他找來蔡景行做對手，並介紹第一招用後腦擋鏡頭，他強調這個方法千祈唔可以笑，「先用後腦對着鏡頭，慢慢走近你嘅對手，跟住同佢眼神示意。」
第二招就叫「瞞天過海」，他表示鏡頭要運用得好好，先可以掩人耳目，「首先同對手眼神交流，跟住就準備咀喇，不過，千祈唔好嘟嘴，要用嘴唇對住佢條頸，喺頸度徘徊，上面嘅演員就自己演，咁就得㗎喇！。」第三招則是「移形換影」，用意識形態包裝成情慾戲:「要錫嘅時候，唔好理咁多冚被先。」網民都表示影片相當搞笑，更有人指期待睇洪永城與蔡景行真錫。
amJetso 送BIODERMA救星小紅瓶🩷護膚恩物 立即按此參加👇
