江華、麥潔文、麥明詩等，昨日出席《明愛暖萬心》記者會。久沒在幕前演出的江華，將會與老婆麥潔文合唱，女兒也會一同參與。
問到江華會否緊張，麥潔文笑說：「我對佢冇咩要求，所以唔需要太緊張。」面對一班新人，江華笑指：「嚟到我唔不敢入房，見到咁多小鮮肉，以為去咗第三世界。」麥潔文透露，將在10月舉行演唱會，一切還在構思中，問到會否邀請老公上台，她表示：「呢個人好難請。」江華則甜蜜表示：「我會響台下遠遠睇住你，好似初相識一樣。」至於江華會否再拍劇，他坦言有戲癮，正等一個好劇本的邀請。
麥明詩稱，現在已經不怕汪明荃。
麥明詩唔再怕汪明荃
首次擔任慈善節目主持的麥明詩表示，這次夥拍汪明荃、鄧梓峰等前輩，所以非常開心，問到會否感到害怕，她坦言：「以前會怕Lisa姐，同佢合作過幾次綜藝節目後，就知道佢個人好好，經常主動同我哋傾偈，發現之前誤會咗佢。」講到騎單車籌款的節目已播出了兩集，麥明詩表示：「我之前都唔敢俾爸爸媽媽睇，佢哋睇到我跌倒會尖叫，覺得我好危險，以後都唔准我踩單車，(下次還敢騎嗎？)趁仲係單身冇顧慮當然踩啦。」
立即更新/下載AM730手機APP 體驗升級功能
