![湯洛雯過大禮場面壯觀 收四對流星錘龍鳳鈪](https://cdn.am730.com.hk/s3fs-public/styles/article_image/public/2023-11/%E6%B9%AF%E6%B4%9B%E9%9B%AF.jpg?itok=owuyNYwH)
湯洛雯分享過大禮照片。
湯洛雯將與馬國明拉埋天窗,貴為準人妻的靚湯,今日透過社交網分享過大禮照片,現場放滿金器及聘禮,場面相當壯觀。
靚湯出嫁在即,她今日大曬四大對巨型龍鳳鈪及金豬,她更寫:「又一項完成,原來過大禮係咁複雜,嗰日係有少少呆咗,不過好多謝馬生嘅疼愛。」靚湯自己都不禁表示:「咁大個女第一次見到好似流星錘咁嘅龍鳳鈪,仲有好多隻豬豬,好靚好壯觀!」而喜餅亦有四大盤,可見馬明這位新郎哥的確誠意滿分。
不過,湯洛雯今次照片只得單人,馬國明未有一同合照,不少網民已祝福一對新人連生貴子,生夠一隊足球隊。