滕麗名近日到內地酒吧出騷獲封「女版陶大宇」。
滕麗名今日（20日）出席《愛•回家之開心速遞》宣傳活動，她接受《am730》訪問表示：「當時喺播咗100集嗰陣入劇組，咁我諗而家都已經有2400集左右。」她指最難忘就是在劇中嫌棄周嘉洛飾演的角色「金城安」所有條件都太差，並表示：「想做一個複製人出嚟，想做個複製嘅阿仔出嚟，其實係幻想嚟嘅啫，但係呢一集嘅概念都幾特別，同埋中間都好感人，就話阿媽你唔好唔要我。」
滕麗名今日（20日）出席《愛•回家之開心速遞》宣傳活動。（娛樂組攝）
認講普通話差楊茜堯同場爆笑
談及最近亮相內地綜藝節目《藝員新訓2025》，滕麗名分享：「呢個節目有同黎耀祥同吳卓羲合作。」她繼續指在節目考驗臨場發揮演技，並提及最難忘的一幕：「就係要拍啲廣告，我啲普通話好差，如果要講廣告嘅時候我要轉返普通話，所以我都覺得幾好笑，楊茜堯就忍唔住爆笑。」
滕麗名與楊茜堯亮相內地綜藝節目《藝員新訓2025》。
獲封「女版陶大宇」竟感覺良好
講到最近內地登台獲網民封「女版陶大宇」，她表示：「幾好呀！超越咗陶大宇。其實大家娛樂性豐富我冇乜所謂，其實講真唱咗咁多年歌，好多人都聽過我唱歌，呢啲嘢並唔影響我。」
立即更新/下載AM730手機APP 體驗升級功能
