眾人密鑼緊鼓為音樂劇排練。
黃劍文、葉巧琳、鄭俊弘、陳凱彤等，將於8月16至25日，在西九文化區戲曲中心大劇院，演出以張國榮為主題的音樂劇《為你鍾情》(Café I Do - The Leslie Cheung Musical)。
這天眾人進行彩排，又唱又跳《大熱》、《無心睡眠》等經典金曲，黃劍文大呻跳唱非常有難度，盼正式公演時能做到100分：「最難就係跳舞，其實有啲歌我都好想唱，例如《有心人》等等，希望有機會再開Part 2，可以加啲歌入去。其實依家啲歌我都鍾意嘅，透過今次音樂劇會有更深嘅感覺。」
黃劍文指，想舞台劇Part 2時加自己心水的張國榮歌曲。
雖然大家都忙於彩排，但近日港隊奧運成績斐然，鄭俊弘稱捱眼瞓撐港隊：「今日就真係眼瞓嘅，因為噚晚等囝囝瞓咗之後，自己都要抖一抖，半夜起身睇張家朗決賽，呢啲歷史時刻要見證嘅。」
而陳凱彤就稱，「過往未試過舞台劇經驗，好彩依家已經掌握節奏。」音樂劇公演在即，眾演員已心思思諗慶功，葉巧琳爆料已經有初步計劃：「啲高層已經講好咗會慶功，但地點就未定好！」
鄭俊弘大讚張家朗決賽時，表演非常好。
黃劍文、葉巧琳、鄭俊弘、陳凱彤等，即將演出以張國榮為主題的音樂劇《為你鍾情》。
amJetso 送BIODERMA救星小紅瓶🩷護膚恩物 立即按此參加👇
