方力申忍不住望望賴彥妤。
無綫娛樂新聞台主持賴彥妤過去曾多次胡亂發問，搞到藝人不時陷入尷尬場面。昨日賴彥妤訪問方力申時，再次問錯問題。當時有人問到方力申會否考慮帶女友Maple見大家，小方果斷時表示沒有這個計劃，並謂「如果特登出嚟做唔會啦」。
小方斬釘截鐵表示沒有一齊出場的計劃，但賴彥妤仍笑笑口追問︰「有冇諗過情侶檔接job？」當正Maple是藝人。心情不俗的小方則望望賴彥妤，續答︰「應該唔會啦，佢都唔係圈內人。」
賴彥妤又冇留意方力申答案，再問無相關的問題。(娛壹影片截圖)
賴彥妤問多錯多
賴彥妤已經不是第一次問錯問題，早前她訪問郭富城，當時城城提及自己會帶小朋友睇燈飾，沒想到賴彥妤再問一次同樣問題，城城立即說︰「我頭先咪講咗囉！」之後望一望她再答︰「我頭先講咗，我會帶小朋友、屋企人同太太嚟。」網民看過片段之後，斥賴彥妤沒有留心受訪者的內容。
最經典的一次莫過於她問單親家庭長大的姜麗文如何慶祝母親節，姜麗文笑著回應，但賴彥妤隨後見到工作人員示意問題有錯，立即面露驚慌表情。
賴彥妤不時被網民指她問問題不經大腦。
amJetso 送BIODERMA救星小紅瓶🩷護膚恩物 立即按此參加👇
