無綫多位高層出席交流會，與300名觀眾會面。
無綫日前邀請300位觀眾，與曾志偉、王祖藍及C君等無綫高層會面，會上多位觀眾輪流給予意見。從TVB娛樂新聞台發布的片段所見，當日參與活動的觀眾年齡比較大，而大多都是師奶為主。片段播出其中3位觀眾的建議，他們認為劇集要起用年輕的藝人做主角、多些搞笑節目、明珠台播出的電影經常重複等等，另外亦有不少人大讚改革後的J2非常好看。
有觀眾感覺劇集的主角年紀大。
出席人士年齡層較高，比較後生的相信是坐在前排的三位應屆港姐了。
曾志偉：好感動
據悉，無綫於91年創立觀眾意見智囊團，惟觀眾意見智囊團交流活動已停辦多年，今次適逢觀眾意見智囊團成立30周年，於是志偉等人重開交流會。志偉受訪時說︰「好感動！原來TVB有一批比我哋更愛TVB嘅人，佢哋俾啲意見可能我哋都冇諗到，係好寶貴！」他又指交流活動上有不少觀眾大讚C君上任J2創意總監之後，節目多姿多彩，C君聞言說︰「其實全部都係我嘅親戚！」
有觀眾盼多些搞笑節目。
祖藍表示今次與多位觀眾面對面交流很寶貴。
觀眾反映J2不應播賽馬
志偉表示，有不少人反映賽馬節目不應在J2台播放，他解釋︰「因為賽馬會希望多啲年青人認識賽馬，所以要求我哋擺喺J2，有唔少人話我唔睇賽馬又要睇J2可以點，依家同賽馬會傾緊，睇下有冇得改。」
相關新聞：
傳無綫請阿倫Eason現身除夕倒數 MIRROR無懼打對台
無綫台慶｜志偉邀草蜢表演 蔡一傑「生蛇」未好頂硬上
曾志偉開心聽到觀眾不同意見。
amJetso 送BIODERMA救星小紅瓶🩷護膚恩物 立即按此參加👇
