熊黛林正於大陸拍劇，昨天迎來其42歲生日。
昨天是熊黛林（Lynn）正日生日，身在內地工作的她原以為要孤伶伶度過，點知Lynn丈夫郭可頌聯同兩女一同為Lynn送上驚喜，而公司老闆Kim昨日更聯同一班同事以視像賀壽星女，結果比平時的生日還要熱鬧。
郭可頌遙距送上一束101支粉紅色玫瑰花，寓意太太是101分好老婆，而兩女亦親手繪畫了生日卡賀媽媽生日。郭可頌預早將生日卡寄給內地工作人員，到昨日正日牛一才逐一送上；另外，Lynn的老闆Kim、同事好友等均送上鮮花和蛋糕，令到Lynn驚喜收到大家的心意後感動不已。Lynn剛於IG發放多張照片，並寫道：「本來以為今年生日會好冷清，結果比平時更熱鬧，希望疫情早日結束，咁樣就唔使同BB、家人分開咁耐，亦都唔會錯過bb的嘅成長經歷，多謝老公和公司畀我的驚喜，好開心！」Lynn此行為拍攝一部內地電影，離港約三個月，難怪會十分惦念一對孖女，而Lynn會順道回家鄉南京探望家人。
amJetso 送BIODERMA救星小紅瓶🩷護膚恩物 立即按此參加👇
