七師傅踢爆伍仲衡暗戀練美娟。
伍仲衡一連兩場《伍仲衡再搞花臣音樂會》前晚圓滿結束，尾場請來泳兒、夏韶聲、七仙羽(七師傅)及練美娟(娟姐)任表演嘉賓。其中七師傅以招牌金句「師傅愛大家」和心心手勢出場，她大爆伍仲衡借她「過橋」，想以她做「餌」引娟姐登場，並取笑他非常lonely，靠「one night 企住 」，在旁的伍仲衡大感尷尬，連聲否認與娟姐的緋聞，但越講越興奮的七師傅仍不停口，最後要伍仲衡要叫保安合力「請」她下台，場面爆笑。
七師傅嘟嘴嚇到伍仲衡閃開。
七師傅嘟嘴 伍仲衡即閃
完騷後，眾人起哄要伍仲衡與七師傅合巹交杯，七師傅嘟嘴獻吻，伍仲衡嚇到即閃。伍仲衡指七師傅「九唔搭八」，但確能掀起高潮，他又否認與娟姐的緋聞，「我哋上節目時認識，娟姐好玩得，我冇追佢，可能人哋有男朋友呢，緣分唔使刻意，師傅話繼續失戀才可寫到好歌。」
立即更新/下載AM730手機APP 體驗升級功能
