谷德昭大讚七師傅腦筋轉數快，令香港人開懷大笑。
谷德昭主持的《爆谷一周》昨晚(29日)播出第二集，今集請來人氣高企的七仙羽師傅聯同《七福星》團隊郭奕芯、Kathy仔、Brian、J.Arie擔任嘉賓，七師傅繼續大爆金句，既指郭奕芯一除衫就引到好多男人睇，又勸J.Arie拍MV唔好再除衫，更建議將節目名由「爆谷一周」改為「谷爆一周」，娛樂性豐富。節目播出後，谷德昭在社交平台發文，大讚「七師傅名不虛傳，腦筋九秒九瘋狂急轉彎，法力有幾高我估計唔到，IQ起碼百幾樓咁高。」他自言幸好睡眠充足，少點能量都撐唔住個場，他又多謝七師傅為牛年普遍嘴角向下彎的香港人，帶來開懷大笑的窗口，有番多少開心的標點符號，有番啖笑牛過虎年。
谷德昭獲民聲老闆娘傳授整肉餅山的秘技。
多次拒絕TVB
《爆谷一周》亦不忘心地好、貼地、延續《納米無明火》助人精神的宗旨。節目的「Deliver Crew」環節，谷德昭去了大坑的民聲冰室，跟老闆娘Carol學整招牌菜「肉餅山」，他更獲得Carol「優待」，教授從未公開的炮製肉餅山秘技，原來肉餅山製作殊不簡單，先要雪藏幾小時，然後要用手揑約一小時，接著又要蒸個多小時，怪不得能成為每日限量發售的招牌菜。老闆娘亦有在社交平台出po，自爆曾拒絕TVB的邀請，「《爆谷一周》今晚第二集民聲有幸參與，其實早排CtvB都聯絡過好幾次……我拒絕。」
送「無骨」外賣打氣
其後谷德昭帶著親手炮製的肉餅山，親自送外賣探望曾在《納米無明火》合作的玻璃骨患者Kitty，本身是畫家的Kitty，去年跟同志同道合的朋友成立「兩個碌小搞作」團體，以「有限肢體去尋求無限夢想」為宗旨，近期正排練親子戲偶劇場《龜兔馬拉松》。肥谷窩心地送上無骨的肉餅山和「手撕雞」為劇團打氣，Kitty亦送上親手製的雪花酥作回禮。節目播出後，Coral得知原來肉餅山是送予Kitty，出po多謝谷德昭和ViuTV，「睇咗先知原來肉餅同手撕雞係送咗去 兩個碌小搞作成班團隊一齊食，希望你哋鍾意，喺呢度想多謝谷導同ViuTV間接令我哋做咗一件有意義嘅事。」
谷德昭請來《七福星》團隊做嘉賓，娛樂性豐富。
立即更新/下載AM730手機APP 體驗升級功能
