2022-02-06 11:26:27

爆谷一周｜首次約謝安琪食飯張繼聰一身都係肉醬意粉

由谷德昭主持的ViuTV節目《爆谷一周》，昨晚(5日)一集請來賀歲片《飯戲攻心》的鄧麗欣(Stephy)、張繼聰和林明禎擔任嘉賓。3人被問到最難忘的飯局時，張繼聰自爆第一次約謝安琪(Kay)吃飯、帶Kay初次見家長、向父母宣布未婚懷孕及初次約會的經歷。

阿聰表示，初次約會Kay，特地安排與她看舞台劇並共進晚餐，「因為有內涵，個劇係我啲同學搞，去到劇場個個都叫我『Louis』，好似好藝術界咁。」兩人看劇後吃晚飯時，Kay點了一客肉醬意粉並打算分給阿聰共享，豈料她竟跣手搞到阿聰一身都係意粉，「佢分俾我時，唔知點解跣手，全個意粉倒喺我身度，我心諗『正喎，呢個女仔，咁嘅？』我老婆就好casual咁講『唔好意思，我就係咁，不過我以前啲男朋友好鍾意。』我就覺得呢個女仔唔惹小，同埋覺得我起碼都有機會。」

張繼聰在谷德昭節目中大談與謝安琪初約會的搞笑場面。

謝安琪是張繼聰的第五位女友。

張繼聰與長子張瞻(左)和幼女張靖感情要好。

最緊張飯局：宣布Kay懷孕

原來Kay是阿聰第五位女友，他自言每次拍拖都會帶女友回家，即使分手後，聰媽與他的前女友感情很好，不時相約飲茶，「我記得我帶我老婆返屋企時……我老婆好叻，好快令我阿媽鍾意佢，所以我阿媽就唔會講嗰啲台詞，『點會咁嘅，以前嗰個唔會喇』。」不過，談到最緊張的飯局，阿聰直言是向父母和岳母宣布有孫抱，「我同我老竇講『你做嚟做阿爺喇』，我老竇就問『做乜呀，你養狗咩？』嗰時未結婚，成餐飯都好開心。」

張繼聰與Kay當年未婚懷孕，兩人結婚14年經常放閃，日前張繼聰上載與14歲長子張瞻跑步的照片，留言：「俾我慫恿咗去跑步，哥哥人生第一次跑6km，Nice and Easy，Natural Burn runner, so proud of you」而Kay亦有留言回應：「像他媽媽」，卻被老公反問，「尚氣唔接下氣？」兩公婆公開耍花槍，非常恩愛。