林二汶亮相無綫台慶，令不少人大感驚訝。
近年効力ViuTV的林二汶，上周五突然現身無綫台慶，並與Gin Lee、欣宜及JW合唱，成為焦點。當時網民對二汶亮相無綫感到驚訝，加上網民近年對無綫甚為反感，紛紛到她的社交平台鬧爆︰「收咗幾多錢上去垃圾台台慶啊？」、「無啦啦走去TVB自降身價 不了」、「等演唱會賣晒飛先去個垃圾台慶」等等。
當日二汶與Gin Lee等壓軸出場獻唱，可見無綫頗重次今次她的演出。
音樂非用作孤立
二汶昨日在Facebook開直播，她深呼吸後說︰「好多人問我點解去TVB台慶，我依家就好坦承話俾大家知。」之後她表示做了廿年的音樂，一直相信音樂無分國界及邊界，用來溝通而非孤立。
林二汶就亮相無綫一事，日前開直播解畫。
不想學生墨守成規
二汶說︰「我今年開咗自己嘅音樂教室，我想嘗試傳遞一個訊息，就係音樂應該係冇分邊界，應該一心只為音樂嘅發展，如果我分得咁清，咁我教出嚟嘅學生，唔係會墨守成規同故步自封咩？我哋做音樂嘅人，我教出嚟嘅學生，我希望佢哋明白一個訊息，音樂係應該懂得海納百川，呢個就係我嘅信仰。」網民對於二汶的解釋有讚有彈，有些人留言非常支持二汶的信仰，但仍有不少網民表示因為不喜歡無綫的關係，難以接受她亮相無綫。
相關新聞︰
無綫台慶｜林二汶驚喜現身 網民︰佢唔係ViuTV咩？
無綫台慶｜收視創3年新高收27.8點 李思捷主持環節贏草蜢表演
林二汶表示無論幾多十年也好，仍堅信音樂是屬於所有人。
入App免費換走健康產品
