甄子丹和老婆汪詩詩今日現身沙田馬場出席「寶馬香港打吡大賽」。（娛樂組攝）
甄子丹和老婆汪詩詩今日（23日）現身沙田馬場出席「寶馬香港打吡大賽」，甄子丹接受訪問表示：「我會睇馬會俾嘅投注貼士，或者專家嘅貼士，但我都係睇心水。」他強調自己對於投注的抉擇並不擅長，並表示：「如果我研究機會率就越低，睇吓個心水細細地賭注玩吓。」甄子丹透露老婆的抽獎運相當好。汪詩詩則透露：「上次晚飯派對嘅時候抽獎，抽中Labubu嘅隱藏版。」
甄濟如（Jasmine）今天有份出席馬會活動擔任演唱嘉賓。（娛樂組攝）
大讚17歲兒子甄濟嘉靚仔
講到甄濟如（Jasmine）今天有份出席馬會活動擔任演唱嘉賓，甄子丹說：「佢唔緊張，當佢表演就相當有power，不過台下就唔出聲同好緊張。」甄子丹透露會給予孩子們相當大的自由度去發揮所長，並表示：「如果要問意見就問媽咪啦！因為媽咪嘅智慧高過爸爸。」他指女兒Jasmine對於拍電影興趣不大。講到兒子甄濟嘉樣子非常靚仔，他笑言：「我自己覺得靚仔，唔係個個都覺得，兒子都唔係好鍾意做幕前，佢鍾意幕後鍾意音樂多。」
立即更新/下載AM730手機APP 體驗升級功能
