家燕姐在內地吃了不潔食物，導致上吐下瀉。
薛家燕、吳國敬及李彩華等人日前為《流行經典50年》錄影，黎小田早前因為肺炎入院，家燕姐稱對方已經出院，但未知何時復工。她表示母親節當日到大陸出席活動，豈料在當地進食生蠔後，翌日屙嘔數次，更一度嘔到暈倒在浴缸！
家燕姐說︰「主辦單位請我食西餐，食咗啲生蠔第二日就好唔舒服，又屙又嘔好多次，有一次我都忍唔住嘔落個浴缸度，當我醒返之後發現自己塊面對住個浴缸底，手腳麻痹，隔籬就係啲嘔吐物，起碼暈咗一、兩分鐘，之後慢慢起身嗌個女同工人，好彩個浴缸冇水，唔係我就浸咗落去。」她稱事後去看醫生，更因此瘦了不少，笑言下月到澳門開騷時，謝天華可以抱得起她。
同場的吳國敬與許志安及鄭秀文份屬好友，他表示有向安仔及Sammi給予慰問，但未有與他們見面，坦言不知道安仔現時去向。問到他有沒有遇過誘惑，他說︰「我個底幾好喎，冇乜緋聞，佢(女友)都幾巴辣，對佢又愛又怕，所以幾多誘惑都把持到。」
吳國敬表示不知安仔去向，暫時不會打擾他。
入App免費換走健康產品
