今集嘉賓是阮兆輝。
由梁思浩、黃紫恩（Jojo）及黃耀英主持的TVB Plus靈異節目《直播靈接觸》，昨晚播出的第17集甫開始，梁思浩即興奮宣布節目會添食多十集，Jojo聞言即開心說：「可以袋多十集人工。」昨晚一集，請來粵劇界大前輩、有「萬能泰斗」美譽的阮兆輝擔任嘉賓，分享粵劇界風俗及靈異事件，當中包括拜華光師傅的由來、神箱及祭白虎的禁忌，與神功戲及盂蘭節的不同等，思浩更補充指輝哥能夠親臨節目、全靠馮寶寶幫忙聯絡及安排。
輝哥指確是有女性不能坐神箱的習俗：「就算男人做花旦都唔坐得，同埋坐咗上去唔可以踢腳。」對於被追問盂蘭節是否會留一行空櫈給「朋友仔」，輝哥對此澄清謂：「第一行畀鄉紳父老坐嘅。」指確有神功戲的存在：「神功戲畀神嘅，神祐咗你一年，我哋咪做做戲畀佢睇咯，呢啲叫人神共樂。仲有一個原因算畀積聚番個鄉情，有啲觀眾真畀好遠咁由外國返番嚟。」輝哥又解釋指戲班通常比入場時間早很多做「祭白虎」，是為免有新入行的不知禁忌壞了儀式：「以前好多人唔主張去睇，話好大殺氣呀， 唔好睇。其實祭白虎係（用嚟）劈除邪魔妖道，都係求平安啦。我哋咪祭白虎之前係唔講嘢，最多點吓頭，冇話叫人，只要我哋開咗個神箱、搬咗（華光）師傅出嚟，一裝好香、點好蠟燭後唔准講嘢架喇。」輝哥笑指「玄壇咁嘅樣」正是來自祭白虎中的黑臉角色，輝哥續指演黑臉連化妝程序都有講究：「我哋一般化咗妝至穿戴，唯一做黑面要先穿戴好晒至去化妝，因為化咗妝之後就唔准照鏡。」
輝哥與後生主持們打成一片。
演關公濟公鍾馗多禁忌
輝哥又指演神明確實有不少禁忌，以關公為例，除了齋戒沐浴及禁止近女色三日外，更多數會於妝容上加粒癦，輝哥說：「因為你本身唔係關公，你係扮佢咋嘛；另外我哋報名話自己係邊個時，通常遮住個臉，因為你唔係嗰個人。」思浩聞言即指在台灣「跳鍾馗」習俗也不少，稱演濟公同樣備受禁忌規犯，又透露在《繁花》中飾演爺叔的內地演員游本昌，當年憑《濟公》劇集成名的他，在演出的十年內跟足風俗未有觸犯禁忌之餘，演完濟公後更短途出家感激神明，思浩說：「套劇有真實四大奇蹟吸引咗好多觀眾睇，其中一個係只要濟公一撥扇、就會有漫天蝴蝶嘅效果。」之後思浩說了一個香港藝人演濟公的反面教材，嚴肅地直指後果嚴重：「佢冇尊重個角色、經常近女色，結果真係由頂跌到冇咗影。」
輝哥和思浩還分享了不少在馬來西亞的靈異見聞及故事，思浩說：「有個女藝人喺馬來西亞登台，瞓時感覺間房有兩個大人、兩個細路喺度傾偈，當然都唔係人啦，佢就一路咁唸經，好彩當時啱啱日出有光線透過窗簾射入嚟，佢話即刻聽到啲鬼大嗌，佢擘大眼後就見到四道白光喺窗口度飛咗出去。之後打開個簾，就見到下面有四隻狗企晒起身係咁吠。」輝哥則說：「我哋通常個台好近個廟，有次喺太平做到尾場、聽見廟入面有人大嗌，係嗌到好得人驚、好盡，仲要唔停嘅，其實連續個幾兩個鐘都咁嗌法係唔得㗎嘛，我冇辦法解釋到，我哋當時猛問咩事，佢哋就話係『財神上童』，叫我哋煞咗科去拜吓，見到好多人求籤又拜又盛。」
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
