修哥VIP包場睇《祥賭必贏》，獲阿Sa和張繼聰驚喜現身補祝生日。
由蔡卓妍及張繼聰主演的賀歲片《祥賭必贏》將於明天(28日)上映，兩人日前聯同導演羅耀輝走訪不同戲院謝票，其一場特地為包場睇戲的胡楓(修哥)驚喜補祝93歲生日，順道謝票，修哥見到阿Sa尤為驚訝，以為對方正身處外埠開Twins巡唱，他大讚：「多謝兩位主角落力演出，同你哋兩個合作我唔落力都唔得呀！」修哥又向全場觀眾力推羅導。
修哥VIP包場，座上客包括有姜大衛、陳友、袁文傑、劉錫賢、黃文慧、Joe Junior 、梁葆貞、劉錫賢、周美鳳等，其間阿Sa手持蛋糕，跟阿聰大唱生日歌，全場觀眾拍手附和，而阿Sa和阿聰還跟戲中角色一樣，稱呼修哥做「阿爺」，向爺爺送上祝福，全場大合照，阿聰阿Sa更encore率觀眾大合唱生日歌，逗得修哥非常開心。
今次特意謝票兼為修哥慶生，羅導解釋：「因為早前首映禮(1月18日)正是修哥生日，佢就嚟唔到，所以今日嚟謝票之餘，都想同修哥補祝生日。」至於阿Sa就笑指今趟謝票心情有點不一樣:「我好緊張，因為聽講修哥包呢一場，係有好多前輩，甚至係殿堂級嘅前輩。」阿聰接著說：「好開心見到修哥，證明我哋團隊都好有愛，祝修哥身體健康、風流倜儻、繼續做到自己想做嘅嘢。」
立即更新/下載AM730手機APP 體驗升級功能
